2025 оны Хамтарсан багийн төлөвлөгөөнд тусгагдсаны дагуу багийн нутаг дэвсгэрийн аюулгүй байдлыг хангах, гэмт хэрэг, зөрчлөөс урьдчилан сэргийлэх зорилгоор шөнийн эргүүлд гарч дараах чиглэлд хяналт шалгалт хийж ажиллаа. Үүнд:
1. Багийн оршин суугчдын аюулгүй байдлыг хангах,
2. Гэмт хэрэг, зөрчил гарахаас урьдчилан сэргийлэх,
3. Согтууруулах ундааны хэрэглээнд хяналт тавих,
4. Орчны аюулгүй байдал, гэрэлтүүлэг ажиллаж байгаа эсэхэд үзлэг шалгалт хийх.
Шөнийн эргүүлийн хүрээнд оройн цагаар үйл ажиллагаа явуулдаг 1 караоке, 2 бар, паб, 3 буудлаар хяналт тавьж, камерын ажиллагаа, нийтийн эзэмшлийн талбайн гэрэл гэрэлтүүлэг хэвийн ажиллаж байгаа эсэхийг шалгалаа. 22-р хороолол 14-р байрны 2 гэрэл, Мөнхнайрамдал талбайн 4 гэрэл гэрэлтүүлэг ажиллахгүй байсан бөгөөд холбогдох байгууллагуудад мэдээлж, шаардлагатай арга хэмжээг авч хамтран ажиллахыг хүслээ.